तिर्थे : “अष्टम अध्याय”

सिउनीखोला (हाम्रो खर्यान/डालामुङ्ग्रा अम्रिसा आदि भएको जमिन थ्यो, खोल्साको रिपा:"घाम कम लाग्ने" पाखो पट्टी) बाट दाउरा ले'र आउँदै थिम| पँधेरा बंगैचा आइपुग्दा यस्सो माथिपट्टी हेरेको, नरेसार्कीको बारीका डीलमा बेल्ती(अम्बा) पहेँलपुर्!! ओई जाँठा तिर्थे! बेल्ती हेर तो!!! तिर्थेले एस्सो आँखा गाड्यो बाटाको माथिपट्टी बारीको ढिकमा| बेल्ती पाकेर पँहेलपुर् !!  म पछी पछी थें| तिर्थे अँघी | तिर्थेले केहि नबोली ल्वात्त दाउराको डोको बिसायो बाटाको कुनामा| मैले कुरो बुझिहालें| मैले नि बिसाएँ| दुवै जना अजम्मरी र सिउँडीको बार नाघ्दै छिरिम बारीमा| पाक्या बेल्ती क्वाप का क्वाप दार्न थालीम| कति पो खानु र! गोजामा भर्दै थिम| मकै बारीबाट लात्रिंदै आएका काँक्राका झालमा तर्ल्याङ् र तुर्लुंङ् काँक्रा!